Fraksiyada Ijro ishini yuritishning soddalashtirilgan tartibi yanada takomillashtirilishi munosabati bilan O‘zbekiston Respublikasining “Sud hujjatlari va boshqa organlar hujjatlarini ijro etish to‘g‘risida”gi Qonuniga o‘zgartirish kiritish to‘g‘risidagi Qonun loyihasi muhokama qilindi. 

Tahlillarga ko‘ra, 2022-yilda ishga tushirilgan Byuroning axborot texnologiyalari yordamida fuqarolarning ishtirokisiz soddalashtirilgan tartibda 2,1 mln ta ijro hujjatlari ijrosi taʼminlangan. Muhokama qilingan Qonun loyihasiga ko‘ra, ushbu tartib ham samarali, ham fuqarolar bilan turli nizoli holatlar kelib chiqishining oldini olishga, ijro jarayonida inson omilini kamaytirishga xizmat qiladi. Fraksiya aʼzolari nizoni gazak olmasdan hal qilishga qaratilgan Qonun loyihasini birinchi o‘qishda maʼqulladilar.