Portativ lazerli nur tarqatgichlarning muomalasini tartibga solish, shuningdek portativ lazerli nur tarqatgichlarning qonunga xilof muomalasi uchun javobgarlikni belgilash maqsadida "Taraqqiyot bloki" tomonidan Qonun loyihasi ishlab chiqildi.

Taʼkidlanganidek, lazerli nur tarqatgichlarni O‘zbekistonga qonunga xilof ravishda olib kirish va ulardan foydalanish holatlarining ko‘payishi fuqarolar hayoti va sog‘lig‘iga, havo kemalari parvozlarining xavfsizligiga hamda jamoat tartibiga yuqori darajadagi tahdidlar tug‘dirmoqda. Taklif etilayotgan Qonun loyihasi bilan yuqorida qayd etilayotgan noxush holatlar oldi olinadi va qonunga rioya etmaganlar tegishli tartibda javobgarlikka tortiladi.