Maʼlumki, yoshlarning bo‘sh vaqtini mazmunli tashkil etishga qaratilgan “Dolzarb 90 kun” dasturi eʼlon qilingan edi. Deputatlar o‘rganishlar davomida bu borada qilinayotgan ishlarga ham eʼtibor qaratmoqda. Fraksiya aʼzosi Kozim Tojiyev Nurota tumanidagi “Soykechar” oilaviy shifokorlik punkti hamda 14-umumiy o‘rta taʼlim maktabida bo‘lib, aholiga sifatli tibbiy xizmat ko‘rsatish, malakali tibbiyot xodimlarini jalb etish, shuningdek, ijtimoiy dorixona faoliyatini yo‘lga qo‘yish bo‘yicha masʼullarga tegishli tavsiyalar berdi.

Shu bilan birga aniqlanishicha, 14-umumiy o‘rta taʼlim maktabida “Dolzarb 90 kun” tashabbusi doirasida taʼlim sifatini oshirish, kutubxonalar fondini boyitish va o‘quvchilarni ushbu loyihaga yanada kengroq jalb qilish bo‘yicha qilinadigan ishlar bor.