Yig‘ilishda “Shaharsozlik renovatsiyasi to‘g‘risida”gi qonun loyihasi birinchi o‘qishda muhokama qilindi. Tashabbuskorlarning maʼlum qilishicha, mazkur Qonunning maqsadi shaharsozlik hujjatlariga muvofiq ishlab chiqilgan hududni meʼmoriy, ijtimoiy, iqtisodiy va ekologik jihatdan yaxshilash kabi shaharsozlik renovatsiyasi sohasidagi munosabatlarni tartibga solishdan iborat.

Fraksiya aʼzolari taʼkidlaganlaridek, foydalanishga yaroqsiz, eskirgan ko‘p qavatli uy-joylarni o‘rniga yangilarini qurish yaxshi albatta. Bu bilan huhudlar obod bo‘ladi, ko‘chalar ko‘rkamlashadi, aholini uy-joy bilan taʼminlash ishlari jadallashadi. Eng asosiysi renovatsiya dasturi loyihasi renovatsiyaga tushadigan uy-joy mulkdorlarining roziligiga asoslanishi hamda keng jamoatchilik muhokamalaridan o‘tkazilishi shart.