Birinchi yarim yillik yakunlar va kelgusidagi vazifalar muhokama qilingan Andijon viloyat Kengashi Plenumi tanqidiy ruhda o‘tdi. 

Viloyat kengashi raisi Hamidjon Omanovning qayd etishicha,  partiyaning dasturiy vazifalari ijrosini taʼminlashda Andijon va Xonobod shaharlari, Izboskan, Shahrixon, Buloqboshi, Oltinko‘l, Bo‘ston, Paxtaobod, Qo‘rg‘ontepa, Marhamat va Jalaquduq tumanlari faol bo‘ldi. Qolgan tuman kengashlari ishini yaxshi deb bo‘lmaydi. 

Sessiyalar kun tartibiga 58 ta masala kiritilgan bo‘lib, hududlar kesimida Xonobod shahar Kengashi, Oltinko‘l, Ulug‘nor va Shahrixon tuman Kengashlaridagi deputatlar faoliyati eʼtirofga loyiq. Ammo Baliqchi va Paxtaoboddagi deputatlarning bu boradagi ishi qoniqarsiz.