Yangi O‘zbekiston islohotlari davrida partiyaning dasturiy vazifalari qay darajada bajarilyapti? Vakolatlari ortayotgan mahalliy kengash deputatlari saylovchilar ishonchini oqlayaptimi? Joriy yilning olti oylik tahlili, kelgusidagi ustuvor vazifalar nimalardan iborat bo‘lishi kerak? Partiyaning Toshkent viloyati Kengashi Plenumida ushbu masalalar batafsil muhokama qilindi.

Hisobotga qaraydigan bo‘lsak, albatta, maqtashga arzigulik natijalar ko‘p, lekin kamchiliklar ham bor. Masalan, tuman va shahar kengashi deputatlari partiyaviy loyihalar, sayyor qabul va tegishli idoralarga so‘rovlar yuborishda faol bo‘lgan. Lekin viloyat kengashiga saylangan deputatlar ishi talab darajasida emas. Sayyor qabullarning atigi 1,3 foizi, deputatlik so‘rovlarining 5,3 foizi viloyat kengashi deputatlari hissasiga to‘g‘ri kelgan.