Markaziy kengashda O‘quv, tadqiqot va tahlil markazi tomonidan “Gender yondashuvining davlat siyosatidagi o‘rni va xorijiy tajriba” mavzusida o‘quv-seminar tashkil qilindi.  Taʼkidlanganidek, bu tadbir Oila va xotin-qizlar qo‘mitasi hamda Osiyo Taraqqiyot banki hamkorligida o‘tkazilgan “Xotin-qizlar va erkaklar teng huquq va imkoniyatlarini yanada kengaytirish” mavzudagi seminarning davomidir.

Tadbirda O‘zbekistonda gender yondashuvi rivoji haqida maʼlumot berilarkan, mamlakatimiz 1995-yilda CEDAW (Xotin-qizlarga nisbatan kamsitishning barcha shakllarini tugatish konvensiyasi)ga qo‘shilgani, 2019-yilda “Ayollar va erkaklar uchun teng huquq va imkoniyatlar kafolatlari to‘g‘risida” qonun qabul qilingani, bu borada maxsus komissiya faoliyat yuritayotgani va 2021–2030-yillar uchun gender tengligi strategiyasi ishlab chiqilgani qayd etildi.