Joriy yilning olti oylik yakunlari muhokama qilingan poytaxt partiya tashkiloti Plenumida Kengash raisi Otabek Jiyanbayev fuqarolar murojaati, qonun va hukumat qarorlari ijrosi bo‘yicha tegishli idoralarga jo‘natilgan “Deputat so‘rovi” bilan bog‘liq ko‘rsatkichlar natijador bo‘lganini taʼkidladi.

Jumladan, hisobot davrida 106 ta so‘rov yuborilgan va bu 2024-yilning mos davriga nisbatan 72 taga ko‘p. Eng asosiysi, so‘rovlarning 90 foizi ijobiy hal etilgan. Bu borada Toshkent shahri, Olmazor, Yakkasaroy, Mirzo Ulug‘bek, Chilonzor va Bektemir tumanlari samarali faoliyat ko‘rsatgan.