Partiya Markaziy kengashida Qonunchilik palatasi deputatlari yordamchilari hamda hududiy kengashlardagi deputatlar bilan ishlash bo‘limi xodimlari uchun “Xalq hokimiyatchiligini to‘laqonli ro‘yobga chiqarishda vakillik organlari faoliyatini kuchaytirishning ustuvor vazifalari” mavzusida ikki kunlik o‘quv-seminar boshlandi.

Markaziy kengash raisi Alisher Qodirov tadbirni ochar ekan, partiyani harakatga keltiruvchi kuch bu deputatlar korpusi hisoblanishini taʼkidladi. Shu maʼnoda, partiya deputatlariga suyanadi. Agar deputatlari ko‘p bo‘lsa, kuchli bo‘lsa, partiya dasturiy maqsad va vazifalariga erishishda katta imkoniyatga ega bo‘ladi.  Deputat yordamchisi instituti esa ushbu jarayonda eng asosiy bo‘g‘in hisoblanadi. Lekin barcha yordamchilar ham ko‘ngildagidek ishlayapti deb bo‘lmaydi. Hatto mahalliy kengash deputatlari orasida o‘zining maqomi va vazifalarini to‘la anglamaganlari bor. 

– Shu bois, bugun deputatlar bilan ishlovchi xodimlarini bir joyga yig‘dik. Maqsad bir-birmiz bilan muloqotni yo‘lga qo‘yib, hamkorlikda natija uchun ishlash, – dedi Alisher Qodirov.