O‘zbekiston Respublikasi mustaqilligining 34 yilligi munosabati bilan ko‘p yillik samarali xizmatlari hamda ijtimoiy hayotdagi faol ishtiroki uchun bir guruh vatandoshlarimiz mukofotlandi. Ular orasida partiyamiz faollari ham bor. Jumladan, Madaniyat vaziri Ozodbek Nazarbekov va Yozuvchilar uyushmasi raisi o‘rinbosari Farida Bo‘tayeva «O‘zbekiston Respublikasida xizmat ko‘rsatgan madaniyat xodimi» faxriy unvoni bilan, Toshkent davlat iqtisodiyot universiteti rektori To‘lqin Teshaboyev II darajali «Sog‘lom avlod uchun» ordeni bilan mukofotlandi.

“Milliy tiklanish” demokratik partiyasi jamoasi shu munosabat bilan partiyadoshlarimizni muborakbod etib, kelgusidagi ishlariga omad,  uzoq umr, sihat-salomatlik tilaydi!