Farg‘onada o‘rganishlar olib borayotgan Oliy Majlis Qonunchilik palatasi deputati Sayyora Jumayeva Yozyovon tumani hokimligida masʼullar bilan hududni ijtimoiy-iqtisodiy rivojlantirish dasturlari ijrosi, ijtimoiy daftarlar va aholi murojaatlari bilan ishlash samaradorligi masalalarini muhokama qildi. Erta nikoh va ajrimlarning bugungi holatini o‘rgandi. Deputat “Halfa buva” ziyoratgohida ham bo‘lib, obodonlashtirilishi, yo‘l va muhandislik tarmoqlarining holati bilan tanishdi.

“Yoshlik" mahallasida bo‘lgan deputatga bu yerda qo‘shimcha maktab va bog‘cha zarurligi bo‘yicha murojaat bo‘ldi. Markazdan 6-7 km uzoqlikda joylashgan mahallada na bog‘cha, na  maktab bor. Tarbiya va taʼlim maskani qurishga joy bor, lekin byurokratik to‘siqlar yillardan buyon muammo ijrosini ortga surmoqda. Deputat mutasaddilar, mahalliy kengash vakillari bilan bu masalani tezroq hal qilish bo‘yicha suhbatlashdi.