Andijon viloyatining Buloqboshi tumanida tajribasi maktablarga o‘rnak bo‘ladigan taʼlim maskani bor. Matematikaga ixtisoslashgan 43-sonli bu maktab qator innovatsion tashabbuslari bilan mashhur. Ularlan biri maktabda o‘quvchilar uchun direktor stipendiyasi joriy qilingan bo‘lib, IELTSdan 7,5 va undan yuqori ball olgan o‘quvchiga 7 million so‘m mukofot puli  beriladi. O‘qituvchilarning 70 foizi 100 foizlik ustama oladi va natija ham shunga yarasha. Bu yilgi bitiruvchilarning barchasi oliy o‘quv yurtlariga o‘qishga kirdi.

Qonunchilik palatasi deputati Baxtiyor Maniyazov ushbu maktabda bo‘lib, yangi o‘quv yiliga tayyorgarlik ko‘rayotgan pedagoglar bilan uchrashdi. Qonunchilikda taʼlim bilan bog‘liq so‘nggi o‘zgarishlar haqida maʼlumotlar berdi. Ustozlarning taʼlimni rivojlantirish bilan bog‘liq fikr-mulohazalari, takliflarini eishtdi.