Uzun tumanida davlat-xususiy sheriklik asosida "Kunduzgi parvarish va tarbiya xizmati" faoliyati yo‘lga qo‘yildi. «Kambag‘allikdan farovonlik sari» dasturi doirasida tashkil qilingan kunduzgi parvarish xizmatida 3 yoshdan 18 yoshgacha nogironligi bo‘lgan bolalar tarbiyalanadi va bu orqali ularning oila qaramog‘ida qolishi taʼminlanadi. Yana bir muhim jihati: nogironligi bo‘lgan bolalarning oila aʼzolariga ishlash imkoniyati paydo bo‘ladi.

Surxondaryoda o‘rganishlar olib borayotgan Qonunchilik palatasi deputati Go‘zal Samiyeva ushbu markazning ochilish marosimida ishtirok etib, kunduzgi parvarish xizmatining yo‘lga qo‘yilayotgani bu yangi O‘zbekistonda “Inson qadri uchun” tamoyili amalda o‘z isbotini topayotganidan dalolat ekanini taʼkidladi.