Mansabdorlar ham "stoyanka"ga pul to'lashi kerak!

Kecha partiya fraksiyasi yig‘ilishida deputatlar “Yo‘l harakati to‘g‘risida”gi qonun loyihasini muhokama qilib, pulli to‘xtab turish joylariga qo‘yiladigan talablar bilan bog‘liq 26-moddadagi maxsus transport vositalarining “stoyaka”dan bepul foydalanishi bilan bog‘liq normaga qarshi chiqib, bu ham “qonun barcha uchun barobar” degan qadriyatga, ham tadbirkorlar manfaatiga zid ekanini, yaʼni tadbirkorga “shu-shularga bepul xizmat ko‘rsatasan”, degan talabni qo‘yishga hech kimning haqi yo‘qligini taʼkidlagan edi.

Deputatlar bu borada xorijiy tajribani keltirib, chet elda maxsus transportlarga bunday xarajatlar uchun alohida to'lov kartasi joriy qilinganini qayd etdi.

Bugun Oliy Majlis Qonunchilik palatasi yalpi yig‘ilishida tashabbuskorlar 26-moddadagi bu norma “Milliy tiklanish” fraksiyasi aʼzolari tashabbusi bilan olib tashlangani maʼlum qilindi.