Yangiliklar


1279   24-01-2023

Yoshlar parlamenti saylovida faol ishtirok eting!

“Milliy tiklanish” demokratik partiyasidan O‘zbekiston Respublikasi Oliy Majlisi Qonunchilik palatasi huzuridagi 

Yoshlar parlamentiga saylovo‘tkazish tartibi to‘g‘risidagi

NIZOM

 

I. Umumiy qoidalar

1. Mazkur Nizom “Milliy tiklanish” demokratik partiyasidan (bundan buyon matnda “Partiya” deb yuritiladi) O‘zbekiston Respublikasi Oliy Majlisi Qonunchilik palatasi huzuridagi Yoshlar parlamentiga saylov o‘tkazish tartibini (bundan buyon matnda “Saylov” deb yuritiladi) belgilaydi.

2. Saylov partiya Ustavi va Dasturi, Saylovoldi dasturi, O‘zbekiston Respublikasi Oliy Majlisi Qonunchilik palatasi huzuridagi Yoshlar parlamenti to‘g‘risidagi Nizom, 2022-yil 12-dekabrdagi O‘zbekiston Respublikasi Oliy Majlisi Qonunchilik palatasi Kengashining 2749-IV-sonli “O‘zbekiston Respublikasi Oliy Majlisi Qonunchilik palatasi huzuridagi Yoshlar parlamenti faoliyatini takomillashtirish to‘g‘risida”gi Qarori hamda partiyaning Saylov o‘tkazish to‘g‘risidagi qarori asosida tashkil etiladi.

 

II. Saylovning maqsadi

3. Saylov yoshlarning huquqiy ongi va madaniyatini yuksaltirish, ijtimoiy-siyosiy faolligini oshirish va rag‘batlantirish, yosh avlodning jamiyat va davlat ishlarini boshqarishdagi faol ishtirokini ta’minlash, qonun ijodkorligi faoliyatiga keng jalb etish, O‘zbekiston Respublikasi Konstitutsiyasi va qonunlariga hurmat ruhida tarbiyalash, MTDP mafkurasi, dasturiy maqsad va vazifalarini qo‘llab-quvvatlovchi hamda targ‘ib etuvchi yoshlar safini kengaytirish maqsadida tashkil etiladi. Shu bilan birga ushbu saylov yoshlarda bahs-munozara madaniyatini shakllantirish, elektorat manfaatlarini himoya qilish hamda partiyaning yoshlarga oid taklif va tashabbuslarini ilgari surish hamda hayotga tatbiq etish orqali partiya tizimida siyosiy yetakchilarning yangi avlodini tarbiyalash, vakillik organlariga nomzodlar zahirasini shakllantirish, munosib yoshlarni Yoshlar parlamentiga saylash maqsadida o‘tkaziladi. 

 

III. Saylovni tashkil etish va o‘tkazish tartibi

4. Saylovni tashkil etish va o‘tkazish partiya Markaziy kengashi hamda hududiy Kengashlari zimmasiga yuklatiladi. Ular saylovning tashkiliy masalalariga oid hujjatlarni, Saylov hay’ati va Tashkiliy qo‘mita a’zolari tarkibini shakllantiradi va  tasdiqlaydi.

5. Saylov ikki yarim yilda bir marotaba ikki bosqichda o‘tkaziladi.

Arizalar partiya hududiy Kengashlarida 24-yanvardan – 1-fevralgacha qabul qilinadi.

Saylovni o‘tkazish muddatlari:

Birinchi bosqich: partiya hududiy Kengashlari tomonidan tegishli okruglardagi nomzodlarni saralash bosqichi (6-fevraldan – 13-fevralgacha).

Ikkinchi bosqich: partiya Markaziy kengashi tomonidan nomzodlarni saralashning yakuniy (respublika) bosqichi (15-fevraldan – 22-fevralgacha).

 

IV. Tashkiliy qo‘mita va Saylov hay’ati

6. Saylov o‘tkazishda ikkala bosqich uchun alohida-alohida Tashkiliy qo‘mita va Saylov hay’ati tuziladi.

7.Ushbu tuzilmalarga Markaziy va hududiy Kengashlarning raislari yoki ularning o‘rinbosarlari rahbarlik qiladi.

8. Tashkiliy qo‘mita partiya Markaziy kengashida, Qoraqalpog‘iston Respublikasi, viloyatlar va Toshkent shahar Kengashlarida 7-9 nafar tarkibda tuziladi. Tashkiliy qo‘mitaga mos ravishda partiya Markaziy kengashi raisining tegishli o‘rinbosari, hududiy Kengashlarning raislari rahbarlik qiladi.

9. Tashkiliy qo‘mita tarkibiga mos ravishda partiya Markaziy kengashi raisi o‘rinbosarlari, hududiy Kengashlar raisi o‘rinbosarlari, partiyaning “Yoshlar qanoti” yetakchilari hamda partiya apparati xodimlari kiritiladi.

10. Tashkiliy qo‘mita ushbu Nizomda belgilangan vazifalarni amalga oshiradi.

11. Saylov hay’ati partiya Markaziy kengashida, Qoraqalpog‘iston Respublikasi, viloyatlar va Toshkent shahar Kengashlarida 9-11 nafar tarkibda tuziladi. Saylov hay’atiga mos ravishda partiya Markaziy kengashi raisining tegishli o‘rinbosari, hududiy Kengashlarning raislari rahbarlik qiladi.

12. Saylov hay’ati tarkibiga partiya Markaziy kengashi raisi o‘rinbosarlari, hududiy Kengashlar rais o‘rinbosarlari, Faxriylar kengashi a’zolari, O‘zbekiston Respublikasi Oliy Majlisi Qonunchilik palatasi deputatlari, Xalq deputatlari mahalliy Kengash deputatlari, partiyaning “Yoshlar qanoti” yetakchilari, jamoat tashkilotlari vakillari hamda partiya apparati xodimlari kiritiladi.

13. Saylov hay’ati saralashning hududiy bosqichida nomzodlarni baholaydi, eng faol nomzodlarni respublika bosqichiga tavsiya etadi.

14. Respublika Saylov hay’ati hududlardan tavsiya etilgan eng faol nomzodlarni ko‘rib chiqib, yakuniy qaror qabul qiladi.

 

V. Saylov shartlari

15. Saylovda ishtirok etadigan nomzodlargaqo‘yiladigantalablar:

18 yoshdan 30 yoshgacha bo‘lgan oliy (tugallanmagan oliy) ma’lumotga ega, O‘zbekiston Respublikasi fuqarosi, partiyaga a’zo yoki xayrixoh bo‘lgan faol yoshlar, O‘zbekiston Respublikasi Oliy Majlisi Qonunchilik palatasi deputatlari yordamchilari va partiya tizimida faoliyat yurituvchi xodimlarhamdaYoshlarparlamentigaavvalgisaylovdasaylanganlar Yoshlar parlamentiga nomzod sifatida hujjat topshirishi mumkin.

Nomzodlar O‘zbekiston Respublikasi Oliy Majlisi Qonunchilik palatasiga partiyadan saylangan deputatlarning okrugidan bo‘lishi shart.

Nomzodlar umumiy sonining kamida o‘ttiz foizini xotin-qizlar tashkil etishi kerak.

16. Quyidagilar saylovda nomzod sifatida ro‘yxatga olinmaydi:

-  Xalq deputatlari viloyat, tuman va shahar Kengashi deputatlari;

-  muomalaga layoqatsiz va muomala layoqati cheklangan yoshlar;

-  sodir etgan og‘ir yoki o‘ta og‘ir jinoyati uchun sudlanganlik holati tugallanmagan yoxud sudlanganligi olib tashlanmagan yoshlar.

17. Ishtirokchilar tomonidan hududiy partiya tashkilotiga quyidagi hujjatlar topshiriladi:

-  Saylov hay’ati raisi nomiga ariza;

-  nomzod to‘g‘risidagi ma’lumotlar(anketa, shaxsini tasdiqlovchi hujjatning nusxasi va 3x4 hajmdagi 4 dona fotosurat)to‘plami;

-  nomzodning turli sohalarda erishgan yutuqlarini tasdiqlovchi hujjatlar nusxalari (davlat mukofotlari, sertifikat, diplom, faxriy yorliq va boshqalar);

-  ommaviy axborot vositalarida faol ishtirokini tasdiqlovchi materiallar;

-  nomzodning partiyaning dasturiy maqsad va vazifalarini keng targ‘ib qilishga qaratilgan takliflari yoki loyihalari;

-  yoshlarga oid davlat siyosati sohasida amalga oshirilayotgan islohotlarning mazmun-mohiyatini yoshlar orasida keng targ‘ib etish borasidagi ishlarini tasdiqlovchi hujjatlar (ilmiy va ilmiy-ommabop maqolalari, ko‘rgazmali ma’lumotlar);

-  nomzodning yoshlarga oid davlat siyosatiga doir qonunchilikni takomillashtirishga qaratilgan Saylovoldi dasturi (taqdimot ko‘rinishida);

-  saylovda ishtirok etish uchun taqdim etilayotgan hujjatlar davlat tilida bo‘lishi lozim. 

 

VI. Saylov bosqichlari

18. Birinchi bosqich:

Hududiy partiya tashkilotlari qoshida tashkil etilgan Tashkiliy qo‘mitalar tomonidan belgilangan saylov okruglarida Yoshlar parlamentiga bo‘lib o‘tadigan saylovlar, uning muddatlari va shartlari haqida targ‘ibot-tashviqot ishlarini olib boradi (24-yanvardan – 1-fevralgacha).

Tashkiliy qo‘mitalar tomonidan taqdim etilgan hujjatlar ushbu Nizom talablariga muvofiqligi ko‘rib chiqiladi hamda saralangan nomzodlar ro‘yxati partiyaning rasmiy sahifalarida e’lon qilinadi (5-fevralgacha).

Hududiy partiya tashkilotlari qoshidagi Saylov hay’ati  nomzodlarning Saylovoldi dasturiga oid taqdimotini ko‘rib chiqadi va suhbat o‘tkazadi. Nomzodning taqdimoti 5 ballik tizim asosida yopiq ovoz berish yo‘li bilan baholanadi. Engko‘p ball to‘plagan 3 (uch) nafar nomzodning hujjatlari hududiy Saylov hay’ati raisi tomonidan tasdiqlangan bayonnoma bilan partiya Markaziy kengashi qoshida tuzilgan Saylov hay’atiga taqdim etadi(6-fevraldan – 

13-fevralgacha).

19. Ikkinchi bosqich: 

Respublika tashkiliy qo‘mitasi hududiy saylov hay’ati tomonidan saralangan nomzodlarning hujjatlarini respublika saylov hay’ati muhokamasiga kiritadi

(15-fevraldan – 22-fevralgacha).

Respublika saylov hay’ati ikkinchi bosqichga tavsiya etilgan nomzodlarning partiya saylovoldi dasturi yuzasidan taqdimotini ko‘rib chiqadi va suhbat o‘tkazadi (suhbat masofaviy shaklda tashkil etilishi ham mumkin).

Baholashda saylov hay’ati a’zolari ushbu Nizomning VI-bandi, 20-qismida qayd etilgan jihatlarga e’tibor qaratiladi.

Har bir saylov okrugidan eng ko‘p ball to‘plagan 3 nafar nomzoddan 1 nafar g‘olib aniqlanib, Qonunchilik palatasidagi Yoshlar masalalari bo‘yicha Komissiyaga ko‘rib chiqish uchun yuboriladi.

Ushbu saylovda faol qatnashgan biroq, yetarli ball to‘play olmagan yoshlar partiyaning kadrlar zahirasiga olinadi.

Saylovning barcha bosqichlari partiyaning rasmiy sahifalari va OAVda keng yoritib boriladi.

20. Birinchi va ikkinchi bosqichda nomzodlarning quyidagi jihatlariga e’tibor qaratiladi:

-  davlat tilidagi savodxonlik darajasi;

-  siyosiy partiya faoliyatidagi ishtiroki;

-  siyosiy partiya faoliyatini tartibga soluvchi normativ-huquqiy hujjatlar, shuningdek, siyosiy partiyaning Ustavi, dasturiy maqsadlaridan xabardorligi;

-  qonunchilik sohasidagi bilim va ko‘nikmasi;

-  qonunchilikni takomillashtirish bo‘yicha asoslantirilgan takliflari;

-  davlat boshqaruviga oid bilimi, siyosiy va huquqiy savodxonligi;

-  mamlakatimizda amalga oshirilayotgan islohotlarga munosabati;

-  OAVdagi faolligi, yetakchilik qobiliyati.

21. Saylovda ishtirok etish uchun taqdim etilgan hujjatlar va materiallar nomzodlarga qaytarilmaydi.

22. Nomzodning taqdimot natijalariga ko‘ra, respublika Saylov hay’ati partiyaning O‘zbekiston Respublikasi Oliy Majlisi Qonunchilik palatasidagi deputatlari soniga mos ravishda munosib nomzodlarni yashirin ovoz berish yo‘li orqali (ma’muriy-hududiy birlik asosida) saylaydi.

23. Saylovda nomzodlarning quyidagi jihatlariga e’tibor qaratiladi:

-  Saylovoldi dasturida qayd etilgan yoshlar muammolari hamda taklif etilayotgan yechim yo‘llari;

-  yoshlarga oid qonunchilikni takomillashtirish bo‘yicha bergan takliflari;

-  notiqlik san’ati, loyiha mazmunini tinglovchilarga yetkazishi;

-  bilimi va hozirjavobligi.

24. Saylov hay’ati qaroriga binoan partiya faoliyatida o‘z bilimi va iqtidorini ko‘rsatgan, uning imijini keng jamoatchilik, xususan, yoshlar orasida targ‘ib qilib, namunali xulqi bilan tengdoshlariga o‘rnak bo‘lib kelayotgan yoshlarga ustunlik berilishi mumkin.

 

VII. Murojaatlarni ko‘rib chiqish

25. Saylov natijalaridan norozi nomzodlar uch kun ichida partiya Markaziy kengashi qoshida tashkil etilgan Apellyatsiya komissiyasiga murojaat qilishlari mumkin.

26. Apellyatsiya komissiyasi besh kun ichida murojaat bo‘yicha o‘z xulosasini taqdim etadi.

27. Apellyatsiya komissiyasi besh kishidan iborat bo‘lib, partiya Markaziy kengashi Ijroiya qo‘mitasi qarori bilan tashkil etiladi.

 

VIII. Nizomning kuchga kirishi

28. Mazkur Nizom partiya Markaziy kengashi Ijroiya qo‘mitasi qarori bilan tasdiqlanganidan so‘ng kuchga kiradi.

 

 

 

 

 

O‘zbekiston Respublikasi OliyMajlisi Qonunchilik palatasi huzuridagi Yoshlar parlamentiga “Milliy tiklansih” demokratik partiyasi tomonidan saylov o‘tkaziladigan okruglar

 

RO‘YXATI

 

Saylov okrugining

nomi

Hudud

1.                   

1-Nukus

Qoraqalpog‘iston Respublikasi

2.                   

4-Amudaryo

3.                   

11-Bo‘z

Andijon viloyati

4.                   

13-Asaka

5.                   

15-X‘ojaobod

6.                   

17-Qo‘rg‘ontepa

7.                   

24-Kogon

Buxoro viloyati

8.                   

27-Varaxsho

9.                   

28-Poykent

10.               

36-Paxtakor

Jizzax viloyati

11.               

41-Xatirchi

Navoiy viloyati

12.               

42-Nurota

13.               

47-Pop

Namangan viloyati

14.               

61-Qo‘shrabot

Samarqand viloyati

15.               

62-Ishtixon

16.               

69-Toyloq

17.               

72-Guliston

Sirdaryo viloyati

18.               

77-Angor

Surxondaryo viloyati

19.               

81-Qumqo‘rg‘on

20.               

88-Bekobod

Toshkent viloyati

21.               

93-Parkent

22.               

104-Uchko‘prik

Farg‘ona viloyati

23.               

109-Qo‘shtepa

24.               

111-Farg‘ona

25.               

113-Toshloq

26.               

115-Quvasoy

27.               

116-Navbahor

28.               

119-Gurlan

Xorazmviloyati

29.               

122-Xiva

30.               

124-Qo‘shko‘pir

31.               

125-Qarshi

Qashqadaryo viloyati

32.               

127-Qamashi

33.               

130-Kasbi

34.               

142-Qoraqamish

Toshkent shahri

35.               

144-Do‘mbirobod

36.               

146-Astrobod

 
 

 

 

“Milliy tiklanish” demokratik partiyasidan O‘zbekiston Respublikasi Oliy Majlisi Qonunchilik palatasi huzuridagi Yoshlar parlamentiga Saylov o‘tkazilishi bo‘yicha murojaat uchun telefon raqamlar

 

RO‘YXATI

 

 

 

MTDP Markaziy kengashi shtabi:                            (+99871) 207-17-15

Qoraqalpog’iston Respublikasi:                                (+99890) 575-77-70

Andijon viloyati:                                                       (+99899) 909-50-27

Buxoro viloyati:                                                          (+99890) 710-46-22

Jizzax viloyati:                                                           (+99897) 137-47-07 

Navoiy viloyati:                                                         (+99891) 309-23-82

Namangan viloyati:                                                    (+99890) 151-89-99

Samarqand viloyati:                                                   (+99893) 333-97-74

Sirdaryo viloyati:                                                       (+99897) 494-74-17

Surxondaryo viloyati:                                                (+99891) 230-15-29

Toshkent viloyati:                                                      (+99897) 737-26-66 

Farg‘ona viloyati:                                                      (+99897) 597-41-43

Qashqadaryo viloyati:                                               (+99890) 444-42-49

Xorazm viloyati:                                                        (+99891) 918-65-35

Toshkent shahri:                                                        (+99890) 288-40-00

 

 

“Milliy tiklanish” demokratik partiyasidan

O‘zbekiston Respublikasi Oliy Majlisi Qonunchilik

palatasi huzuridagi Yoshlar parlamentiga saylov

o‘tkazuvchi hududiy saylov hay’ati raisi __________________________ga

 

Samarqand viloyati, Qo‘shrabod tumani, “. . .” MFYda yashovchi

Abdullayeva Sitora Rustam qizidan

Ariza

 

Meni O‘zbekiston Respublikasi Oliy Majlisi Qonunchilik palatasi huzuridagi Yoshlar parlamentiga bo‘lib o‘tadigan saylovda Samarqand viloyati, Qo‘shrabod tumanidan 61-Qo‘shrabot saylov okrugi bo‘yicha nomzod sifatida ro‘yxatga olishingizni so‘rayman.

  Shaxsimga va faoliyatimga aloqador tegishli hujjatlarni ilova qilaman. 

 

 

___imzo___    S.Abdullayeva

24.01.2023 yil.