Oliy Majlis Qonunchilik palatasi deputati Sayyora Jumayevaning Farg‘onaga safari O‘zbekiston tumanidan boshlandi. Dastlab hokimlikda masʼullar bilan ijtimoiy-iqtisodiy masalalar muhokama qilindi. Xotin-qizlar bandligi, “Ayollar daftari” va muhtoj oilalarga berilayotgan ko‘mak masalalariga ham eʼtibor qaratildi.

“Avvalo o‘zimiz korrupsiya va jinoyatchilikka qarshi murosasiz bo‘lishimiz lozim. Shundagina bu illatning payi qirqiladi”, – dedi deputat tuman Davlat xizmatlari markazida aholi bilan ushbu masalada suhbatlashib.