Farg‘onada saylovning hududiy bosqichi boshlandi

Farg‘ona viloyatida shu kungacha Oliy Majlis Qonunchilik palatasi huzuridagi Yoshlar parlamentiga 160 nafardan ortiq yoshlar nomzod sifatida ariza topshirgan bo‘lib, ishchi guruh hujjatlarning uchdan bir qismida kamchiliklar borligini aniqladi.

Partiya xodimlari, mahalliy Kengash deputatlari hamda Yoshlar parlamenti aʼzolaridan iborat tashkiliy qo‘mita esa Nizom talablariga muvofiq nomzodlarning hujjatlarida kamchiliklar bo‘lmaganlarning dasturlari bilan tanishib, ularning yoshlar hayoti bilan bog‘liq muammolarni yechishdagi taklif va tashabbuslarini o‘rganmoqda. Nomzodlarga qulaylik yaratish maqsadida suhbatlar onlayn va oflayn shakilda ham tashkil qilinmoqda.

Maʼlumki, Oliy Majlis Qonunchilik palatasiga Farg'ona viloyatidan olti nafar partiyamiz vakillari deputat saylangan bo‘lib, shunga mos ravishda Yoshlar parlamentiga ham shuncha a'zo saylanadi.

MTDP Farg'ona viloyati Kengashi matbuot xizmati