Yangiliklar


611   09-02-2023

Munosiblarni tanlab olish oson bo'lmadi

Samarqandda Oliy Majlis Qonunchilik palatasi huzuridagi Yoshlar parlamenti saylovining hududiy bosqichi yakunlandi.

Nomzodlar partiya vakillari, fraksiya aʼzolari hamda mahalliy Kengash deputatlaridan iborat tashkiliy qo‘mita tomonidan saralandi. Bunda nomzodlarning erkin va mustaqil fikrlashi, jumladan, mamlakatimizda kechayotgan islohotlar jarayonidagi ishtiroki, Yoshlar hayoti bilan bog‘liq qonunchilikdagi o‘zgarishlar, xalqaro miqyosdagi voqea va hodisalarga munosabati, partiyaning dasturiy maqsad va vazifalari, g‘oyalari borasidagi bilim va ko‘nikmalariga eʼtibor qaratildi. Shart-sharoitdan kelib chiqib, baʼzi nomzodlar bilan “oflayn” suhbatlar o‘tkazildi.

Albatta, yuz nafarga yaqin nomzodlardan munosiblarini tanlash oson bo‘lmadi. Nomzodlar 5 ballik tizim asosida baholandi va saralanganlar endi respublika bosqichida ishtirok etadi.