Ishchi guruh madaniy meros obyektlarini o‘rganishni boshlaydi

Partiyaning Buxoro viloyati Kengashida madaniy meros obyektlarini muhofaza qilish va ulardan maqsadli foydalanish borasida amalga oshirilgan ishlar holatini o‘rganish yuzasidan tuzilgan ishchi guruhining joriy yildagi ilk yig‘ilishi bo‘lib o‘tdi.

Yig‘ilishda partiyaning 2020-2024-yillarga mo‘ljalllangan Saylovoldi dasturida bu borada belgilangan vazifalar ijrosi, jumladan, viloyatda madaniy meros obyektlarini muhofaza qilish, asrab-avaylash, kelajak avlodlarga bus-butun yetkazish bilan bog‘liq masalalar muhokamam qilindi. 

Tadbirda so‘zga chiqqan partiyaning Buxoro viloyati Kengashi raisi, ishchi guruhi rahbari Maxsud Muxammedov tuman va shahar kengashlari deputatlari tomonidan joriy yilda o‘rganiladigan madaniy meros obyektlari haqida maʼlumotlar berdi. Natijalar haqida tegishli idoralarga maʼlumotlar tayyorlash, aniqlangan muammo va kamchiliklarni hal qilish bo‘yicha “Deputat so‘rovi”ni chiqarish haqida gapirdi. Shuningdek, yig‘ilishda bu borada belgilangan vazifalar tahlil qilindi. Fikr-mulohazalar, takliflar o‘rtaga tashlandi.

Yig‘ilish so‘nggida ishtirokchilar deputatlik guruhi tomonidan xalq deputatlari viloyat Kengashi sessiyasi kun tartibiga ushbu masalani kiritishga kelishib oldilar.