Yangiliklar


435   16-03-2023

Konstitutsiya – demokratik islohotlar tayanchi

Partiyaning Farg‘ona viloyati Kengashi tashabbusi bilan “Hududgaz Farg‘ona” gaz taʼminoti korxonasida “Konstitutsiya – demokratik islohotlar tayanchi” mavzusida ochiq muloqot tashkil qilindi.

Tadbirda viloyat Kengashi raisi Ilhom Nosirov so‘zga chiqib, konstitutsiyaviy islohotlar zarurati, kiritilayotgan o‘zgarishlar va 30 aprelga belgilangan Referendum haqida gapirdi. Yangilanayotgan Konstitutsiyadan joy olgan partiya tomonidan ilgari surilgan takliflar haqida maʼlumotlar berdi.

Taʼkidlanganidek, Konstitutsiyani ishlab chiqishda milliy qadriyatlarimiz bilan birga xalqaro huquqiy normalarga ham alohida eʼtibor qaratildi. Bu borada yuzdan ortiq davlatlar tajribasi o‘rganildi. Shundan kelib chiqib, moddalar amaldagi 128 tadan 155 taga, normalar 275 tadan 434 taga ko‘paydi. Asosiy qonunning 65 foiz matni xalq takliflari asosida yangilandi, inson huquq va erkinliklariga oid qoidalar uch yarim baravarga ko‘paydi.

Shu maʼnoda, yangilanayotgan Konstitutsiya inson qadri ulug‘lanayotgan yurtda fuqarolarning emin-erkin yashashi, haq-huquqlarini anglashi, oilalarni mustahkamlash, tinchlik va osoyishtalikni taʼminlashga xizmat qilishi shubhasiz.