Hashar - elga yarashar

Navro‘z umumxalq bayrami arafasida yurtimizning barcha go‘shalarida “Obod va fayzli mahalla – yurt ko‘rki” shiori ostida xayriya hashari uyushqoqlik bilan o‘tkazilmoqda.

Bugun erta tongdan "Milliy tiklanish" demokratik partiyasi Markaziy kengashi xodimlari ham ushbu hasharga o‘z xissalarini qo‘shishdi.

Partiya tashabbusi bilan Yashil makon umummilliy loyihasi doirasida tashkil etilgan bog‘ hamda Markaziy kengash joylashgan bino atrofi obodonlashtirildi, ko‘chalar, ariqlar tozalandi. Yuzga yaqin ko‘chatlar ekildi.

Shuningdek partiya tizimida faoliyat ko‘rsatayotgan hamda partiya faollari ham yurtimizning barcha go‘shalarini obodonlashtirish va ko‘kalamzorlashtirish ishlarida faol ishtirok etmoqda.